RGF20

Hoxe, máis que nunca, o futuro está sometido a grandes cambios e incertezas que non percibíramos nos últimos anos. As últimas malas experiencias deixaron ao descuberto as carencias da nosa forma de vida actual: unha carreira monótona, artificial e estresante, desconectada da natureza.

Con todo, no momento en que máis percibimos a fragilidade do ser humano, a sociedade parece ter redescuberto os beneficios da natureza e despertou o seu desexo de recuperar a conexión con ela. Por iso, ante estas necesidades de sempre, xurde «Un xardín para recuperar o noso futuro», unha proposta que pretende poñer en valor as cualidades dun pequeno espazo verde nas nosas vidas.

Os xardíns do noso futuro próximo non deberían verse únicamente como elementos decorativos, senón como espazos de produción, de lecer persoal, de descanso e de extensión da flora autóctona e da súa biodiversidade. Deste xeito, esta proposta quere recuperar a capacidade de xerar os nosos propios alimentos, crear un espazo que volva resultar atractivo para insectos e aves, ofrecéndolles descanso e alimento, e gozar de zonas verdes sostibles sen necesidade de grandes custos.

Trátase dun xardín mínimo, sinxelo, pero que constitúe unha necesidade básica tamén nos entornos urbanos actuais.

Neste momento, a única certeza é que o noso futuro será distinto, con grandes cambios xa en marcha; pero só con sensibilidade ecolóxica e responsabilidade social lograremos unha relación correcta e sostible entre o ser humano e a natureza.